كلمات أغنية مش سوبر مان | الكاتب مايكل عزمي
مش سوبر مان، أنا مجرد إنسان
أقل من العادي، ليه يا ولادي
شايفني للدرجادي رمز الأمان
ف الدنيا خايب، من الكل بتحارب
فار تجارب، ضعيف وجبان
بحاول أبقى، أجمد وأقوى
و أحميكم من بلوى، يرميها الزمان
بس مش معناه، معنديش معاناه
يا حبايبي الحياة، صعبة وجنان
معلش لو بكسر
ثوابت وتابوهات
الاب بيتأثر زي باقي الكائنات
معلش لو مقصر
معاكم في حاجات
ربنا ييسر ف الجايات
مش سوبر مان، والله أنا إنسان
فوق طاقته، شايل من بدايته
عشان في بطاقته، مكتوب فلان
يا نور عيني، بلاش تحمليني
حاجات تخليني، أعيش ندمان
لو عليا عارفة، أعدلك الدفة
بس انتي شايفة، انا خلصان
بس انا مسكتش، بحاول مخفتش
أسف لو مكنتش، ليكي سوبر مان
معلش لو بكسر
ثوابت وتابوهات
الحب بيتفسر دلوقتي الشيكات
معلش لو مقصر
معاكي انتي بالذات
ربنا ييسر ونحل كل الأزمات
📚 محبي روايات التشويق والإثارة:
اخترنا لك هذه الروايات:
- [رواية التشويق والإثارة (1:1)] - الحلقة الأولى: البريف
- [الجزء الأول من رواية القبضة] - إثارة نفسية مؤثرة، استلام الإرث والأسرار.
- [قصة الغموض النفسي] - رحلة البحث عن موت هادئ.
© جميع الحقوق محفوظة 2026 – كلمات: مايكل عزمي. يمنع نسخ أو إعادة نشر أو استخدام هذه الكلمات كليًا أو جزئيًا دون إذن كتابي مسبق
التصنيفات:
أغاني، أغنية، كلمات اغنية، كلمات، كلمات اغاني، أغاني حزينة، كلمات أغاني كاملة، أغاني جديدة، أغنية أصلية، أغنية دراما، أغاني مختلفة، مشاعر حقيقية، مشاعر إنسانية
Lyrics، Arabic Lyrics
تعليقات
إرسال تعليق